طبعا دهنت الصينية ورشيتها بالدقيق وبعدين دخلتها فرن حرارته 160 يعنى اقل اقل اقل حاجه وسبتها فى الفرن ساعه
لما بتكون الحرارة هادية على الكيكة وتاخد وقتها فى الفرن ده بيخلى سواها متساوى من النص زى الحواف
وده شكلها لما طلعت من الفرن شوفوا ماشاء الله عالية وهشة واسفنجية جداااااا
هنا قشرت الكيكة من الطبقة الخارجيه الرقيقة اللى بتبقى على الوش والجوانب
علشان لما احط عليها الكريم شانتيه يمسك فيها كويس
هنا قسمت الكيكة لثلاث طبقات وده اما بالسكينة او بالخيط
ضربت الكريم شانتيه بالطريقة العادية بالدريم ويب واللبن
دهنت الطبقة الاولى اللى هيا قاعدة الكيكة بالكريم شانتيه
وبعدين الطبقة التانيه حطيتها على الطبقة الاولى ودهنتها بالكريم شانتيه
وبعدين الطبقة الثالثة والاخيرة ودهنت الكيكة كلها من الوش والجوانب بالكريم شانتيه
حطيت على الجوانب شيكولاته فورماسيل
وهنا عملت وردات على حواف التورتة وورداية واحدة فى النص
وهنا بشرت شيكولاته وحطيتها فأرضية التورتة بين الوردات
وهنا حطيت الكريز على الوردات وطبعا لاااااااااااااازم كريز والا ما تبقاش تورتة بلاك فورست
وده شكلها النهائى ...
ليست هناك تعليقات:
إرسال تعليق