عالم الموضة والديكور

المقادير

1 كوب دقيق 1 كوب سكر بس انا حطيت 1/2 كوب بس 1 كوب زبادى


معلقه صغيرة بيكنج بودر

شوية فانيليا بسيطه جدا " من ابتكارى ههههه"

للتزين

سيرب خفيف

علبه قشطه

شوكولاته هرشى

مكسرات

فرامسيل

باسترى كريم

كله اختيارى ياقمرات بس القشطه او الكريمه اساسى الباقى انت واللى عندك



هنحط الزبادى على السكر على الدقيق



ونضربهم بالمضرب لحد مانحصل على خليط كريمى


بعد كده نسيب الخليط نص ساعه علشان السكر يذوب ويحبذا مكان دافى بسيط

زى ماانو شايفين الخليط كريمى خالص وكل السكر ذاب وتلمسى بصبعك مش فى اى حبيبات سكر




هنجيب صينيه وندهناها من تحت بالسمنه بس مش كتير يادوبك علشان مش تلزق ونصب الخليط






بعد كده نحطها فى الفرن ونهدى النار على درجه حرارة 180 فى وسط الفرن

اذا بدات تتحمر من تحت والو لسه حطى تحتها صنيه بها ماء وطبعيها على الرف العلوى

اول ماتطلع تسقيها بالسيرب البارد الخفيف وتبداء توزعى القشطه وتزوقى براحتك

سامحونى مش قدرت اصورها كتير لان جانى ضيوف فجاه وماشاء الله مش اتبقى منها الهوا ههه

صحه وعافيه عليهم