طريقة عمل تورتة الفراولة تورتة الفراولة طريقة عمل تورتة الفراولة
تورتة الفراولة
اكلات رمضان
طريقة عمل تورتة الفراولة
ت تورتة بالفراولة .. سهلة جدا و طعمها جميييييييل جدا ما شاء الله
و هكتب لكوا الطريقة و ان شاء الله تجربوها و تتبسطوا منها
مقادير الكيكة :
5 بيضات - رشة فانيليا - كوب سكر بودرة -كوب و نص دقيق - 1 باكو بيكنج بودر سان جورج
و للتزيين :
كريم شانتية - عصير فراولة - مكسرات - شرايح فراولة
الطريقة :
ضربت البيض ضربا مبرحااااا ( بعد ما وضعت رشة الفانيليا طبعا ) و بعد كده ضفت السكر بالتدريج مع الضرب المستمر ثم اضفت الدقيق ثم البيكنج بودر
بطنت الصينية بالسمنة البلدي و الدقيق و بعد كده صبيت فيها الكيكة و دخلتها الفرن و خدت بالظبط نص ساعة
طلعت و سبتها تبرد شوية صغيرة و بعد كده فتحتها من النص و سقتها بعصير الفراولة بالشويش كده و بالمعلقة و سقيت النصين بالعصير و بعد كده دهنت النص ( اللي هيبقي تحت ) بالكريمة شانتية و رصيت فيه شرايح فراولة و مكسرات و بعد كده حطيت النص التاني عليه و عملته بالكريم شانتيه و رصيت عليه شرايح الفراولة و رشيت في الاخر شيكولاتة فورماسيه عشان تكسر اللون ( ملحوظة : انا حطيت قليل من عصير الفراولة علي الكريمة شانتيه و انا بضربه عشان تدي له طعم حلو )
الاشتراك في:
تعليقات الرسالة (Atom)
ليست هناك تعليقات:
إرسال تعليق